Berrizko Merkatari Elkarteak, BMEk, “Bizi Berriz” edizio berri bat antolatu du, uda agurtzeko eta ikasturte berriari ongietorria emateko. Aurten ere, musikaz girotutako sari-erruleta bat egongo da.

Ekitaldiari buruzko informazioa:

• Data: irailak 29, larunbata
• Ordutegia: 17:30 – 20:00
• Lekua: Olakueta plaza

SARIAK, izakinak amaitu arte:

• 50 €-ko erosketa-baleak (10 €-ko 5 bale entregatuko dira): 8 tako guztira.
• 10 €-ko erosketa-baleak: 50 guztira.
• Ostalaritza-baleak: 2 guztira.
• Zinemarako sarreren baleak: 10 guztira.
• Aterkindun poltsak: 50 guztira.

• Txanda galduta: parte-hartzea galtzen da.
• Beste aukera bat: beste partaidetza baten balioa du.

Kanpainaren oinarriak:

• 2026ko irailaren 1etik 19ra bitarteko erosketa tiketak.
• Kanpainari atxikitako establezimenduetako 10 €-ko gutxieneko erosketa tiketekin.
• Gutxienekora iristeko hainbat tiket pila daitezke.
• Erruletan parte hartzeko erabiltzen den tiketari zigilua jartzen zaio. Beraz, parte hartu aurretik, tiketa zigilatuta dagoen egiaztatzen da.
• Pertsona bakoitzak gehienez bi partaidetza izan ditzake, honako hauek aurkeztuz:
  • 10 euroko bi tiket.
  • 50 € edo gehiagoko tiket bat.
• Pertsona batek bere txandan bi aldiz parte hartu badu eta baliozko tiket gehiago baditu, ilararen amaieran jarri ahal izango da berriro, partaidetza berriak egiteko.
• Adingabeek ezin dute erruletan parte hartu; hala ere, adinez nagusi den pertsona batekin badatoz, erruletari bira eman ahal diote.
• Agortutako sari bat tokatzen bada, berriro bota daiteke.
• Eskuragarri dauden sari guztiak agortzen badira, jokoa amaitutzat ematen da.